DITA E ENERGJISË SË QËNDRUESHME – ASED ‘22
30 Shtator 2022
Ambasada e Paqes – Tiranë
EU Sustainable Energy Week është eventi më i rëndesishëm i dedikuar burimeve të rinovueshme dhe energjisë efiçiente në Europë. Këtë vit tema e ASED‘22 është:
‘Të jemi të gjelbërt dhe digjital për tranzicionin energjetik të Evropës’
ASED‘22 sjell sëbashku një rang të gjerë partnerësh si politikëbërës, përfaqësues të industrisë dhe qytetarë gjatë një konference 3-ditore të politikës në Bruksel. Ajo ofron oportunitete të ndryshme për networking si edhe përfshin ngjarjet lokale të qëndrueshme – Ditët e Energjisë – që organizohen nga organizata private dhe publike dhe mbahen në të gjithë Evropën.
Këtë vit, organizuar nga BERC dhe pik.ark, Dita Shqiptare e Energjisë së Qëndrueshme – ASED’22 do të mbahet për herë të parë në Tiranë, duke bashkuar profesionistë nga qeveria vendore dhe qëndrore, akademia dhe industria, me synimin për të diskutuar mbi sfidat dhe mundësitë me të cilat përballen nga tregu shqiptar.
