Kolegë te nderuar,
Jeni të ftuar të jeni pjesë e leksionit të hapur:
“Pushteti dhe hapësira të Michael Foucault”, nga filozofi i mirënjohur nga Prishtina, prof. Astrit Salihu.
E mërkure, 25.04.2018, ora 13:00
Aula Magna, Fakulteti i Arkitekturës dhe Urbanistikës, UPT.
Rruga Muhamet Gjollesha 54, Tiranë.
Astrit Salihu lindi në 8 Gusht 1966 në Prishtinë. Kreu studimet ne Fakultetin Filozofik në Universitetin e Prishtinës dhe studimet e doktoraturës në Universitetin e Zagrebit. Sot është profesor i asocuar i Filozofisë në UP, në lëndët Hyrje në Filozofi, Filozofi Antike, Racionalizëm dhe Postracionalizëm, Konceptet themelore filozofike tek Platoni dhe Aristoteli, Filozofia e Medies.
Gjatë viteve 2002-2005 punoi si Zv.Drejtor i Përgjithshëm në Radio Televizionin e Kosovës, dhe Profeso i lëndës Filozofia e Arkitekturës në Universitetin e Prishtinës në kursin Modernizmi dhe Postmodernizmi në Arkitekturë, gjatë viteve 2009-2011.
Pjesëmarrës në shumë konferenca ndërkombëtare të organizuara përgjatë krizës në ish-Jugosllavi: Bosnjë dhe Hercegovinë, Kroaci, Maqedoni, Bullgari, Hollandë, Belgjike, Suedi, Angli, si dhe ligjërues i ftuar në Universitetin e Lubjanës, mbi temën “Sofistika dhe postmoderna”, “Ndikimi i medies në periudhën e pasluftës në Kosovë” në University Collage of London, “Heidegger and Michel Foucault mbi hapësirën” në Universitetin e Zagrebit, dhe “Le Corbusier dhe afirmimi ambivalent i modernizmit” në Universitein e Zagrebit.
Bibliografi:
Astrit Salihu, “Diskursi filosofik i postmodernes”, Botoi, Dukagjini – Peje 1997
Redaktor i librit në dy gjuhë anglisht- shqip “Media & Zgjedhjet” (Performansa e medies gjatë fushtës zgjedhore lokale në vitin 2000) Botuar 2001/ QSH “Gani Bobi” Prishtinë
Astrit Salihu, “Postmoderna e interpretuar për shqiptarët”, Botoi MM/ Prishtinë 2000
Astrit Salihu, “Aporitë e modernes: Kritika e rrëfimeve të mëdha”, Botoi Rizoma/2009
Astrit Salihu, “Aporije Moderne, Kritika velikih prica”, Botoi, Filozofska Istrazivanja/ Zagreb 2013
Astrit Salihu, : ”Lexim filozofik i arkitekturës”, në shtyp, SHFK
,si dhe një numër i konsiderueshëm publikimesh për filozofinë antike greke, art, ese të ndryshme dhe analiza politike.
