KONKURSI : NJË BANKË PËR ARTIN – Një skulpturë më shumë për Tiranën.
Kushtet e pjesëmarrjes
Credins bank prezanton konkursin: NJË BANKË ME ART – Një Skulpturë më shumë për Tiranën. Artistët janë të ftuar të paraqesin një dizajn për një konstruksion-skulpturë në një garë të hapur dhe të marrin pjesë në një procedurë përzgjedhjeje në dy faza.
Në bazë të një vendimi të jurisë (anëtarët do të prezantohen në Nëntor 2016), dizajni çmim-fitues do të shpallet në Dhjetor 2016 dhe më pas instalimi i përhershëm i veprës në rrugën Vaso Pasha në Tiranë është planifikuar në pranverë të vitit 2017.
Propozimet duhet të paraqiten në datat 21 dhe 22 Nëntor 2016 midis orës 10.00 dhe 17.00 në Credins bank në rrugën Vaso Pasha te Departamenti Marketing. Nuk ka specifikime për temën. Modelet duhet të jenë tredimensionale me çfarëdo materiali që të dëshironi, me përmasat maksimale 50 x 50 x 50 cm, dhe duhet të shoqërohen me vizatime, përshkrim të mënyrës se si do të realizohet skulptura.
